Kecha, 30-noyabr kuni Angliya Premyer ligasining 13-tur oʻyinlari boʻlib oʻtdi. Kun doirasidan oʻrin olgan bahsda Londonning “Chelsi” klubi “Stemford Bridj”da oʻz hamshahari “Arsenal” klubini qabul qildi.

Uchrashuvning birinchi boʻlimida hisob ochilmadi. 37-daqiqada “Chelsi” futbolchisi Kaysedo raqibning oyogʻini bosgani uchun maydondan chetlatildi.

Ikkinchi boʻlimning 48-daqiqasida mezbonlar oʻyinda hisobni ochdi. Galga Trevox Chaloba mualliflik qildi.

59-daqiqada esa “qizillar” hisobni tenglashtirdi. Mikel Arteta jamoasining javob goli Mikel Merino hisobiga yozildi.

Uchrashuv aynan 1:1 hisobidagi durang natija bilan yakunlandi. Oʻyindan keyin, “aristokratlar” posboni Robert Sanchez oʻyin qahramoni deb topildi. “Sofascore” portali ushbu futbolchining harakatlarini 8,2 ballga baholadi.

“Chelsi” — “Arsenal” 1:1

Gollar: Chaloba (48) — Merino (59).

“Chelsi” — Sanches, Gyusto, Fofana, Chaloba, Kukurelya, Jeyms, Kaysedo, Fernandes, Estevao (Garnacho, 46), Netu, Pedro (Delap, 55).

“Arsenal” — Rayya, Timber, Moskera, Inkapi, Kalafiori (Lyuis-Skelli, 46), Subimendi (Edegor, 57), Rays, Eze (Gokeresh, 72), Saka, Martinelli (Madueke, 57), Merino.

Chetlatish: Kaysedo (38).