Хитой армияси Тайван атрофида ҳарбий машғулотлар олиб бормоқда
Фото: AP
Хитой Халқ Озодлик армияси 23 май куни Тайван атрофида бошлаган қуруқлик, денгиз ва ҳаво машқларини давом эттирмоқда.
«Икки кунлик машғулотларда ҳокимиятни биргаликда эгаллаб олиш, зарбалар бериш ва муҳим ҳудудларни назорат қилиш қобилияти синовдан ўтказилмоқда», — дейилади Хитой Халқ Озодлик армияси хабарида.
Тайван бўғози ҳамда оролнинг шимоли, жануби ва шарқида, шунингдек, Тайпей бошқарувидаги Цзиньмен, Мацзу, Уцю ва Дунъин ороллари ҳудудларидаги машғулотлар Тайваннинг янги президенти Лай Циндэнинг инаугурация нутқидан бир неча кун ўтиб бошланди.
Лай Циндэ ўз нутқида Тайван суверен ва мустақил давлатлиги, шунингдек, суверенитет халқнинг қўлида эканлигини таъкидлаган. Президент ўз эркинликларига ён бермаслиги ва Пекинни Тайванга қарши тажовузкорликни тўхтатишга чақирган.
Ўз навбатида, Тайван ҳам армиясини сафарбар қилиб, машғулотлар олиб бормоқда. Мамлакат 24 май куни ракета ва ҳавода патруллик қилаётган F-16 самолётларини намойиш қилди.
Тавсия этамиз
Кўп ўқилганлар
- “Башакшеҳир” Туркиянинг гранд клуби билан дуранг ўйнади
- Саккизта гол урилган ўйинда “Барселона” ғалаба қозонди
- Ўзбекистон миллий терма жамоаси учун Жаҳон чемпионати қуръаси омадли ўтдими?
- Ўзбекистон терма жамоасининг Жаҳон чемпионатидаги ўйин саналари эълон қилинди
- АҚШ Европадан НАТО мажбуриятларининг асосий қисмини ўз зиммасига олишни талаб қилди
- Германияда ўқувчилар ҳарбий чақирувга қарши намойишга чиқди
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг