Италияда ўтказилаётган «Сальвадор Дали асарлари» кўргазмасида сохта буюмлар намойиш этилаётгани аниқланди
Италиянинг Парма шаҳрида ўтказилаётган Сальвадор Дали асарлари кўргазмасида полиция жами 21 та ҳақиқийлиги гумон қилинган буюмларни мусодара қилди. Бу ҳақида «Bild» нашри хабар берди.
Унда айтилишича, мазкур асарлар «Сальвадор Дали: санъат ва афсона ўртасида» номли кўргазмада бир неча кун давомида намойиш қилинган.
Ушбу кўргазмага ташриф буюрганлар намойиш қилинаётган асарлар ҳамда буюмларнинг ҳақиқий эканига шубҳа билан қараган. Шундан сўнг ишга полиция аралашган.
«Музейларда ўтказилаётган кўргазмада нимадир нотўғри бўлиб туюлди. Текшириш давомида кўргазмада намойиш этилаётган асарлар ҳамда буюмларнинг ҳақиқий эмаслигини аниқладик», — дейди тергов бошлиғи Диэго Полло.
Полиция маълумотларига кўра, мусодара қилинган асарлар расмлар эмас, балки гобелен, чизма ва гравюралар каби қалбаки буюмлар бўлган.
Маълумот учун, Сальвадор Дали 1904 йил 11 май куни Испаниянинг Фигуэрас шаҳрида туғилган. У ўзининг ғайриоддий тасвирлари, орзулар ва онгсизликни акс эттирган асарлари билан ХХ аср санъатининг энг йирик шахсларидан бири ҳисобланади.
Тавсия этамиз
Кўп ўқилганлар
- Ҳокимлик Тошкентни “юва бошлади“. Хўш, сув сепиш ҳаво ифлосланишини камайтирадими?
- «Адабиёт ва ҳаёт»: Султонбой Деҳқоновнинг шахсий фотокўргазмаси очилди (+фоторепортаж)
- Янгиланаётган Марказий Осиё: бирлик, дўстлик ва ҳамкорликнинг янги босқичи
- Ногиронлиги бўлган фуқароларга 30 млн сўмгача фоизсиз ссуда ажратилади
- Камбағалликни қисқартириш: пул эмас, ақл-идрок ва билим муҳим
- Ўзбекистонда хотин-қизларга нисбатан рақамли зўравонликка барҳам бериш бўйича 16 кунлик кампания бошланди
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг