Фарғонада ҳамкасбларининг номига кредит олиб, пулларни қиморда ютқазган шахс ушланди
Фарғона вилоятида ҳамкасбларининг номига яширинча кредит олган шахс пулларни онлайн қиморда ютқазиб қўйди. Бу ҳақда МY5 телеканалининг «Ҳудуд» дастурида хабар берилди.
Маълум қилинишича, Олтиариқ туманида яшовчи шахс онлайн қимор ўйинларига берилиб кетиб, бор пулларини ютқазади ва қарзга ботади. Шундан сўнг у ҳамкасбларини фирибгарлик йўли билан алдаб, уларнинг номига кредит олади. Буни қарангки, «шоввоз» ўша пулларни ҳам онлайн қиморда ютқазиб қўяди.
Орадан бироз вақт ўтгач, қинғир ишнинг иси чиқиб, жабрланган фуқароларга кредит тўлови бўйича хабарнома келади. Шундан сўнг улар ИИБга мурожаат қилган.
ИИБ томонидан олиб борилган суриштирувларда кредитни фуқароларнинг онлайн қимор ўйинларига берилиб қолган ҳамкасби яширинча расмийлаштиргани аниқланган. Маълум бўлишича, у 4 киши номига жами 75 млн сўм кредит олган.
Гумонланувчига нисбатан Жиноят кодексининг 168-моддаси (фирибгарлик) 3-қисми «д» ва «г» бандлари билан жиноят иши қўзғатилиб, процессуал тарзда қўлга олинган. Ҳозирда дастлабки тергов ҳаракатлари олиб борилмоқда.
Тавсия этамиз
Кўп ўқилганлар
- «E-ekspertiza» платформаси орқали электрон ҳужжатлар алмашинувини йўлга қўйиш тартиби тасдиқланди
- Нодавлат суд-эксперти сифатида фаолият юритиш янада соддалаштирилади
- «Истанбул Башакшеҳир» меҳмондан ғалаба билан қайтди
- Украинанинг уч вилоятида портлашлар қайд этилди. Қурбонлар бор
- Бу йил Ўзбекистон Пролигасида 14 та жамоа иштирок этади
- Шавкат Мирзиёев Вашингтон шаҳрида Тинчлик кенгашининг дастлабки йиғилишида иштирок этди
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг