«Чимён» ҳудудида жойлашган ресторан ёниб кетди
Тошкент вилояти, Бўстонлиқ тумани, «Чимён» МФЙ ҳудудида жойлашган ресторанларнинг бирида ёнғин юз берди. Бу ҳақида Фавқулодда вазиятлар вазирлиги хабар берди.
Маълум қилинишича, бугун, 10 июнь куни соат 01:32 да Тошкент вилояти, Бўстонлиқ тумани, «Чимён» МФЙ ҳудудида жойлашган ёғочли конструкция материалидан қурилган ресторанларнинг бирида ёнғин рўй берганлиги тўғрисида ФВБга хабар тушган.
Мазкур мурожаатга асосан, 5 та ёнғин-қутқарув экипажи соат 02:01 да воқеа жойига етиб бориб, ёнғин соат 02:13 да ўраб олинган ва соат 04:20 да тўлиқ ўчирилган.
Дастлабки маълумотларга кўра, ёнғин натижасида рестораннинг тахминан 300 кв.м майдонда томи, шифти, ички қисми ва жиҳозлари ёнган.
«Ёнғин оқибатида тан жароҳати олганлар тўғрисида хабар келиб тушмаган. Ёнғин сабаби ва зарари аниқланмоқда», — дейилади Фавқулодда вазиятлар вазирлиги хабарида.
Тавсия этамиз
Кўп ўқилганлар
- “Башакшеҳир” Туркиянинг гранд клуби билан дуранг ўйнади
- Саккизта гол урилган ўйинда “Барселона” ғалаба қозонди
- Ўзбекистон миллий терма жамоаси учун Жаҳон чемпионати қуръаси омадли ўтдими?
- Ўзбекистон терма жамоасининг Жаҳон чемпионатидаги ўйин саналари эълон қилинди
- АҚШ Европадан НАТО мажбуриятларининг асосий қисмини ўз зиммасига олишни талаб қилди
- Германияда ўқувчилар ҳарбий чақирувга қарши намойишга чиқди
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг