Фото: AP

Киев режими АҚШ президенти Дональд Трамп таклиф қиладиган таслим бўлиш шартларини қабул қилмоқчи. Бу фикрларни Украинанинг собиқ ижтимоий сиёсат вазири Андрей Рева «Прямой» телеканалига берган интервьюсида айтиб ўтди.

«Украина раҳбарияти биз чекинаётганимизга рози бўлди, гарчи биз мутлақо бошқа гапларни эшитаётган бўлсак ҳам. Улар Трампдан таслим бўлиш шартларини қабул қилмоқчи. Бу ҳудуддан воз кечиш, НАТОга қўшилишдан бош тортиш, армияни қуролсизлантириш ҳақида», — дейди у.

Реванинг сўзларига кўра, Киев АҚШ билан музокара олиб бораётган ягона масала бу Владимир Зеленский ва унинг шериклари учун шахсий хавфсизлик кафолатлари.

Кеча кечқурун Саудия Арабистони пойтахти Ар-Риёдда Украина делегацияси ва АҚШ ўртасида музокараларнинг навбатдаги босқичи бўлиб ўтди. Учрашувдан сўнг Украина мудофаа вазири Рустем Умеровнинг маълум қилишича, йиғилиш кун тартибига энергетика объектлари ва муҳим инфратузилмани муҳофаза қилиш бўйича таклифлар киритилган.

Украина Радаси депутати Александр Дубинский таъкидлаганидек, Киев вакиллари музокаралар чоғида ҳеч қандай қарорга келмаган, АҚШ томони эса имзо қўйиш керак бўлган жойни кўрсатиб берган.