«Apple» компанияси «Бутунжаҳон дастурчилар конференцияси – 2024»да узоқ кутилган ўзининг сунъий интеллект стратегиясини тақдим этди. Бу ҳақда «Reuters» ахборот агентлиги маълум қилди.

Янги «Apple Intelligence» технологияси «Siri» каби смартфонларга интеграция қилиниб, унинг имкониятларини сезиларли даражада оширилади. Бунга «OpenAI» компанияси ва «Apple»нинг ўзаро келишуви сабаб бўлди.

Конференцияда компания бош директори Тимоти Кук «Siri»нинг янги функцияларини намойиш қилди. Энди у электрон почта хабарлари, тақвимлар ва учинчи томон иловалари билан ўзаро алоқада бўлиши мумкин. Шунингдек, «Siri» ўз оҳангини турли вазиятларга мослаштира олади.

«Apple» ўзининг сунъий интеллект хусусиятларини кенгайтириш билан бирга фойдаланувчи махфийлигига содиқлигини таъкидлади. Компания махфийликни ўз инновацияларининг асосига қўйиб, «Microsoft» ва «Google» каби рақобатчилардан ажралиб туришни мақсад қилган.

Таҳлилчиларнинг фикрича, «Apple Intelligence» «iPhone» фойдаланувчиларни қувонтирсада, уни бу бошқа сунъий интеллектлардан устунлигини акс эттирмайди. Шунга қарамай, мазкур инновацион ёндашув «Тишланган олма»нинг содиқ мижозларига кўплаб қулайликлар ярата олади.