Ангренда йирик ЙТҲ оқибатида 7 киши ҳалок бўлди
Фото: Видеодан кадр
Бугун, 7 сентябрь куни Тошкент вилояти Ангрен шаҳрига кириш қисмида, Қамчиқ довони йўналишида йирик йўл-транспорт ҳодисаси содир бўлди. Бу ҳақда Ички ишлар вазирлиги матбуот хизмати хабар берди.
Маълумотларга кўра, А-373 «Тошкент–Ўш» халқаро автомобиль йўлининг 93-км қисмида цемент ташувчи “Shacman” юк машинаси ҳайдовчиси А.Р. бошқарувни йўқотиб, темир йўл кесишмасида тўхтаб турган икки юк автомобили ва бешта енгил машина билан тўқнашган.
Тўқнашув оқибатида ёнғин келиб чиққан ва у махсус хизматлар томонидан тезкорлик билан ўчирилган.
Ҳодиса натижасида 7 киши воқеа жойида ҳалок бўлган. Шунингдек, 5 нафар фуқаро турли даражадаги тан жароҳатлари билан шифохонага ётқизилган, яна 4 нафар жабрланувчига тиббий ёрдам кўрсатилиб, уйига жавоб берилган.
Маълумот учун, Бош вазир ўринбосари Ачилбой Раматов бошчилигида Ҳукумат комиссияси тузилган. Комиссия ҳодиса сабабларини ўрганиш, жабрланувчилар ва уларнинг оилаларига ёрдам кўрсатиш ҳамда юз берган ҳолатга ҳуқуқий баҳо бериш билан шуғулланмоқда.
Тавсия этамиз
Кўп ўқилганлар
- Жаҳон олимлари нигоҳи яна Ўзбекистонга қаратилди
- Президент Ўзбекистон ўқитувчи ва мураббийларига табрик йўллади
- Ўзбекистонда долларнинг расмий курси ўзгарди
- Президент Исмоил Жўрабеков вафоти муносабати билан ҳамдардлик билдирди
- Ўзбекистон ва Туркманистон: барқарор ривожланиш йўлидан бораётган давлатлар
- Тадбиркорлар янгича ёндашувлар асосида қўллаб-қувватланади
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг