Jizzaxda sudya yordamchisi pora olgan paytda qoʻlga olindi
Jizzax viloyati fuqarolik ishlari boʻyicha Doʻstlik tumanlararo sudi sudya yordamchisi pora olgan paytda qoʻlga olindi. Bu haqda Davlat xavfsizlik xizmati (DXX) matbuot xizmati xabar berdi.
Maʼlumotlarga koʻra, u xizmat mavqeyidan foydalanib, Mirzachoʻl tumanida yashovchi ayolning ishonchiga kirgan. Xususan, uning turmush oʻrtogʻi bilan ajrim jarayonini tezlashtirib, er-xotin oʻrtasidagi mol-mulkning bir qismini olishida yordam berish evaziga 300 AQSH dollari talab qilgan.
DXX xodimlari tomonidan Bosh prokuratura huzuridagi departament bilan hamkorlikda oʻtkazilgan tezkor tadbirda sudya yordamchisi oʻz xizmat xonasida soʻralgan pulni qabul qilib olgan vaqtida ashyoviy dalillar bilan ushlangan.
Hozirda unga nisbatan Jinoyat kodeksining 168-moddasi 3-qismi “v” bandi va 211-moddasi 1-qismi boʻyicha jinoyat ishi qoʻzgʻatilib, qamoq ehtiyot chorasi qoʻllandi.
Tergov harakatlari davom etmoqda.
Tavsiya etamiz
Ko‘p o‘qilganlar
- “Matonatli Maryam” filmi keng jamoatchilikka taqdim etildi
- FIDE jahon kubogi chempioni Javohir Sindarovni kutib olish marosimi boʻlib oʻtdi (+fotoreportaj)
- Oʻzbekistonda xotin-qizlarga nisbatan raqamli zoʻravonlikka barham berish boʻyicha 16 kunlik kampaniya boshlandi
- AQSH Yevropadan NATO majburiyatlarining asosiy qismini oʻz zimmasiga olishni talab qildi
- Ўзбекистон терма жамосининг Жаҳон чемпионатидаги ўйин саналари эълон қилинди
- Oʻzbekiston milliy terma jamoasi uchun Jahon chempionati qurʼasi omadli oʻtdimi?
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring