“YouTube”da “Play Something” funksiyasi paydo boʻladi
YouTube foydalanuvchilarga qiziqishlariga mos holda tasodifiy videolarni taklif etuvchi yangi funksiyani sinovdan oʻtkaza boshladi. Bu haqda «9to5google» nashri maʼlum qildi.
Yangi funksiya “Play Something” deb nomlanib, suzuvchi harakat tugmasi koʻrinishida ishlaydi. Tugma qora fon ustida oq matnda yozilgan “Play Something” yozuvi va ijro belgisidan iborat boʻlib, interfeysda sezilarli darajada ajralib turadi.
Mazkur tugmani bosish orqali foydalanuvchi “Shorts”da videoni tomosha qilishni boshlaydi.
Qiziqarli tomoni shundaki, bu funksiya nafaqat “Shorts” videolari, balki oddiy kontentni ham portret rejimida namoyish etadi.
Interfeysning oʻng tomonida yoqtirish, yoqtirmaslik, izoh qoldirish va ulashish uchun katta tugmalar, pastki qismida esa vaqt shkalasi joylashgan.
Dastlabki maʼlumotlarga koʻra, ayrim “Android” foydalanuvchilari ushbu funksiyadan allaqachon foydalanishni boshlashgan. Yangi funksiya foydalanuvchilarga koʻproq qiziqarli videolarni topishda yordam berishi kutilmoqda.
Tavsiya etamiz
Ko‘p o‘qilganlar
- 21-oktyabr – Oʻzbek tili bayrami kuni
- Oʻz xalqini Siz kabi chin dildan sevadigan davlat rahbarini uchratmadim – “ACWA Power” kompaniyasi boshqaruvi raisi Muhammad Abunayyan
- Oʻzbekiston tasviriy sanʼat galereyasida Samarqand maktabining yangi nafasi
- Oʻzbekistonning yangi trayektoriyasi: Asosiy xorijiy transferlar xaritasi
- Roʻziqul Berdiyevning matbuot anjumanidagi fikrlari yuzasidan surishtiruv oʻtkaziladi
- Ish bilan bogʻliq baxtsiz hodisalar va kasbga oid kasalliklar haqidagi maʼlumotlarning yaxlit tizimi yoʻqligi koʻrsatib oʻtildi
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring