Foto: Akmal Muhammadov/“Xalq soʻzi”

Oʻzbekiston Respublikasi Qurolli Kuchlari tashkil etilganining 34-yilligi hamda 14-yanvar — Vatan himoyachilari kuni munosabati bilan bugun, 12-yanvar kuni Toshkent shahrida Qurolli Kuchlar tarkibiga kiruvchi vazirlik va idoralar harbiy boʻlinmalarining tantanali piyoda yurish marosimi boʻlib oʻtdi.

​

​

​

Harbiy boʻlinmalarning tantanali piyoda yurishlari Oʻzbekiston Respublikasi Harbiy xavfsizlik va mudofaa universiteti hududidan boshlandi. Marosimda ishtirok etgan boʻlinmalarning harakatini poytaxt aholisi hamda shahar mehmonlari katta qiziqish va iliq qarshilab oldi.

​

​

​

​

Boʻlinmalar piyoda yurish davomida “Parkent” va “Mustaqillik” koʻchalari boʻylab harakatlandi. Tadbir davomida Amir Temur xiyobonida belgilangan toʻxtash nuqtasida bayram dasturi tashkil etildi. Unda faxriy qorovul jamoasining chiqishlari, qoʻl jangi ustalarining koʻrgazmali namoyishlari, boʻlinmalarning jangovar chaqiriqlari hamda harbiy orkestrning defile chiqishlari tomoshabinlar eʼtiboriga havola etildi.

​

​

​

​

Marosim davomida harbiy xizmatchilarning yuqori intizomi, jangovar shayligi va saf tayyorgarligi yana bir bor namoyon etildi. Tadbir poytaxt aholisiga milliy armiyamiz salohiyati va harbiy xizmatchilarning vatanparvarlik ruhini yaqqol koʻrsatib berdi.

​

​

Tantanali piyoda yurish marosimi yakunida harbiy boʻlinmalar “Mustaqillik” va “Temiryoʻl” koʻchalari orqali harakatlanib, belgilangan manzilga qaytdi.

​

​

​

​

​

​

​

​