Turarjoy binolaridagi changlarda 197 turdagi pestitsidlar topildi
Illyustrativ foto
Oʻn mamlakatdan xalqaro olimlar guruhi ishtirokida maishiy chang boʻyicha oʻtkazilgan yirik tadqiqot tashvishli natijalarni koʻrsatdi. Yaʼni butun Yevropa boʻylab turarjoy binolarida 197 xil pestitsid topilgan. Bu haqda “The Guardian” xabar berdi.
Oʻrganilgan har bir xonadon yoki uyda olimlar pestitsidlar toifasiga kiruvchi 25 tadan 121 tagacha birikmalarni aniqlashdi. Ifloslanish darajasi, ayniqsa, bunday moddalar keng qoʻllaniladigan qishloq joylari va fermer xoʻjaliklarida yuqori boʻlgan.
Professor Pol Shipersning taʼkidlashicha, pestitsidlar binolarga asosan poyabzal, uy hayvonlari (ayniqsa, mushuk va itlar) juni, shuningdek, oziq-ovqat mahsulotlari — meva, sabzavot va gullar orqali kiradi.
Aniqlangan birikmalarning taxminan 40 foizi yuqori toksik xususiyatga ega ekanligi alohida tashvish uygʻotadi. Gap onkologik kasalliklarni keltirib chiqarishi, endokrin tizimi faoliyatini buzishi va inson salomatligiga boshqa halokatli taʼsir koʻrsatishi mumkin boʻlgan kimyoviy moddalar haqida ketmoqda.
Tavsiya etamiz
Ko‘p o‘qilganlar
- 21-oktyabr – Oʻzbek tili bayrami kuni
- Samarqandda YUNESKOning 43-sessiyasiga tayyorgarlik avjida
- Aholi va qishloq xoʻjaligini roʻyxatga olishga tayyorgarlik koʻrish va uni oʻtkazish tartibi belgilandi
- Hududlarda 34 ta yuqori texnologiyali sanoat loyihalari amalga oshiriladi
- Endilikda muddati oʻtgan tovarlarning sotilishi avtomatik ravishda cheklanadi
- Xorijiy tillarni oʻrganmoqchi boʻlgan yoshlarga “2+6” dasturiga muvofiq subsidiya ajratiladi
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring