Arxiv foto

Dushanba kuni isyonchilar Suriya poytaxtini egallab, uzoq yillik diktator Bashar Asadni agʻdarib tashlaganidan bir kun oʻtib, Asad rejimining isteʼfodagi bosh vaziri hokimiyatni Suriya isyonchilariga topshirishga rozi boʻldi.

Hokimiyat agʻdarilganidan keyin Damashq koʻchalarida bayram qilindi. Minglab siyosiy mahbuslar qamoqxonalardan ozod qilingan.

“Hayot Tahrir ash-Shom” rahbari Abu Muhammad al-Joʻloniy dushanba kuni Damashqda isteʼfoga chiqqan bosh vazir Muhammad Gʻozi al-Jaloliy bilan uchrashib, hokimiyatning Suriya xalqiga xizmat koʻrsatishni taʼminlaydigan darajada topshirish haqida gaplashgan. “CNN” manbasiga koʻra, oʻtish davri bosh vaziri hali saylanmagan, biroq al-Jaloliy hamkorlik qilishga vaʼda bergan.

Isroil oʻz armiyasiga Suriya hududida Isroil tomonidan bosib olingan Golan tepaliklarini Suriyaning qolgan qismidan ajratib turadigan “xavfsizlik zonasi” yaratishni buyurishidan oldin, uning harbiylari Suriyaning kimyoviy qurol obyektlariga zarba berganini aytdi. Birlashgan Millatlar Tashkiloti bu harakat 1974-yilda imzolangan kelishuvga zid ekanini aytdi.