Sanoat salohiyatini oshiradigan loyiha
Buloqboshi tumanida “Joʻydam Taʼmir Invest” Oʻzbekiston – Xitoy qoʻshma korxonasi tomonidan qiymati 350 million AQSH dollari boʻlgan yirik sanoat va qurilish loyihasi amalga oshirila boshlandi.
Loyiha doirasida polipropilen qoplar, shifer, gazablok, tayyor beton hamda yoʻlak plitkalari ishlab chiqarish korxonalari barpo etilishi, shuningdek, logistika markazi va “Buloqboshi city” turarjoy majmuasi qurilishi rejalashtirilgan.
— Mazkur loyiha nafaqat iqtisodiy samara berishi, balki yangi ish oʻrinlari yaratilishiga ham zamin yaratadi, — deydi tuman hokimligi masʼul xodimi Ibrohimjon Yuldashev. — Shu orqali mahalliy aholining bandligini taʼminlash va zamonaviy infratuzilmani rivojlantirish imkoniyati kengayadi.
Taʼkidlanishicha, korxonalarda ishlab chiqariladigan mahsulotlar nafaqat ichki bozor ehtiyojini qondirish, balki eksportga yoʻnaltirish imkonini ham beradi. Bu esa tumanda sanoat kooperatsiyasini rivojlantirish va investitsiyaviy jozibadorlikni yanada oshirishga xizmat qiladi.
Saminjon HUSANOV
“Xalq soʻzi”.
Tavsiya etamiz
Ko‘p o‘qilganlar
- Toshkent viloyatida Abdulla Oripov uy-muzeyi ochildi
- “Oʻtgan bahsda konsentratsiya biroz joyida emas edi. Shu sababli “jinnicha” xatolarga yoʻl qoʻydik” — Fabio Kannavaro
- AQSH mudofaa xarajatlari tufayli NATO boʻyicha ittifoqchilarini himoya qilishdan voz kechishi mumkin
- Fargʻonada Navroʻz: tinch-osoyishta hayot zavqi, dorilamon kunlar shukronasi...
- Ben Kingsli ishtirok etgan Islom sivilizatsiyasi markazi haqidagi film New York Festivals 2026 finaliga yoʻl oldi
- Shavkat Mirziyoyev Saudiya Arabistoni Podshohligi Valiahdi Muhammad bin Salmon Ol Saud bilan telefon orqali muloqot qildi
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring