Samarqandda plastik chiqindilarni qayta ishlash zavodi qurilishi mumkin
Samarqand viloyat hokimi vazifasini bajaruvchi Adiz Boboyev Chexiyaning “Praktik system” kompaniyasi rahbari Petr Linhart bilan uchrashdi. Bu haqda Samarqand viloyati hokimligi matbuot xizmati xabar qildi.
Tomonlar elektron va plastik chiqindilarni qayta ishlash loyihasini muhokama qildilar. Petr Linhart rahbarlik qiladigan kompaniya dunyoning yigirma toʻrtta davlatida plastik chiqindilarni qayta ishlashga ixtisoslashgan korxonalarga ega.
Ushbu korxonalarda muzlatkichlar, sovitish va muzlatish moslamalari, kir va idishlarni yuvish mashinalari va mikrotoʻlqinli pechlar, changyutgichlar, elektron choynaklar va boshqa shu turdagi maishiy elektron jihozlarni ekologik jihatdan qayta ishlash va utilizatsiya qilish bilan shugʻullaniladi.
Kompaniya vakillari Samarqandda ham shunday zavod qurishga investitsiya kiritish niyatida ekanliklarini bildirishdi. Viloyat rahbari ushbu sohada qoʻllab-quvvatlash va amaliy yordam koʻrsatishga tayyor ekanini taʼkidladi.
Tavsiya etamiz
Ko‘p o‘qilganlar
- Sogʻliqni saqlash vazirligi “Elektron retsept” tizimi boʻyicha rasmiy bayonot berdi
- Nilufardan Qobiljongacha... Qobuljon Rossiyada etnik nafrat tufayli vahshiylarcha oʻldirilgan birinchi bola emas
- Oʻrta Osiyodagi eng baland yangi yil archasi — Namanganda
- Yaldo tuni: Yerliklar bugun eng uzun tun va eng qisqa kunga guvoh boʻladi
- “Insoniyat sivilizatsiyasiga asos boʻlgan yutuqlar shu zamindan kelib chiqqan” — Paragvay Prezidenti
- Dual taʼlim — yetuk mutaxassis tayyorlash kafolati
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring