Rossiyaning Samara shahrida brutsellyoz epidemiyasi aniqlandi. Bu haqda “Samara Onlayn” xabar berdi. 

Qayd etilishicha, shahar hokimligi Kuybishevskiy tumani aholisiga karantin cheklovlarini eʼlon qilgan.

Maʼlumot uchun, bu kasallik Malta, Kipr yoki Gibraltar isitmasi deb ham ataladi. U brutsellyoz brusella bakteriyalari keltirib chiqaradigan xavfli kasallikdir. Infeksiya goʻsht, sut, pishloq kabi qayta ishlangan hayvonot mahsulotlari orqali odamlarga yuqishi mumkin. Brutsellyoz kasal hayvonlar, jumladan, qoʻy-echkilar, sigirlar, itlar va boshqalar bilan aloqa qilishda ham paydo boʻlishi mumkin.

Uning belgilari kasallikning shakliga qarab turli yoʻllar bilan namoyon boʻlishi mumkin. Oʻtkir brutsellyoz yuqori isitma, bosh ogʻrigʻi, holsizlik, qusish, ich ketishi, mushak va boʻgʻimlarning ogʻrigʻi, shuningdek, toshma va limfa tugunlarining shishishi bilan boshlanadi. 

Kasallikning surunkali shaklida artrit, markaziy asab tizimining shikastlanishi, gepatit, xotira buzilishi va harakatni muvofiqlashtirish, shuningdek, boshqa jiddiy asoratlar paydo boʻlishi mumkin.