Rossiya ichki ishlar vaziri Vladimir Kolokolsevning maʼlum qilishicha, mamlakatda migrantlarni biometrik identifikatsiya qilish amaliyoti kengaytiriladi. TASS xabar berishicha, bu jarayon tashqi migrantlardan foydalanib, soxta hujjatlar orqali Rossiyaga kirishga urinuvchilarning oldini olishda samarali boʻlmoqda.

Kolokolsevning soʻzlariga koʻra, hozirda “Noqonuniy immigrant” operatsiyasi natijalari yakunlanmoqda. Uning natijalari migratsiya oqimlarini tartibga solish boʻyicha olib borilayotgan saʼy-harakatlar samaradorligini koʻrsatmoqda. Videokuzatuv kompleksi va yuzni tanib olish funksiyasi kabi texnik vositalar qonuniy tartibni buzuvchilarga uzoq vaqt politsiya nazaridan chetda qolish imkonini bermaydi.

Vladimir Kolokolsev shu bilan birga Rossiya prezidenti Vladimir Putin migratsiya sohasida davlat siyosatining kelgusi besh yillik konsepsiyasini tasdiqlaganini eslatdi. Ushbu hujjatda milliy xavfsizlikka ustuvor ahamiyat berilgan.

Bu degani, mahallaga kelayotgan xorijiy fuqarolar nazoratsiz boʻlib qolmasligi kerak. Aks holda, ular jamiyatda nizo va millatlararo ziddiyatlarga sabab boʻladi. Oddiyroq qilib aytganda, bunday shaxslar huquqbuzarlikka qoʻl urmoqda, agressiya koʻrsatadi va jinoyat qiladi.