Rossiya Ukraina dron operatorlarini aniqlash uchun “Kobra” nomli yangi harbiy radar qurollari tizimini ishlab chiqdi. Bu haqda “Newsweek” nashri xabar berdi.

Maʼlum boʻlishicha, ushbu qurilma dronlarni kuzatadi va real vaqt rejimida xaritada ularning joylashuvini aniqlay oladi. “Kobra” hozirda sinovdan oʻtkazilmoqda va tez orada Ukrainaga qarshi eksperimental operatsiyalarda qoʻllanila boshlaydi.

Ukraina qariyb ikki yarim yildan beri davom etgan konfliktlar sababli dron texnologiyasida sezilarli yutuqlarga erishdi, bu esa Rossiyaning qarshi texnologiyalarga ehtiyojini oshirib yuborgan. Kiyev dronlari turli jangovar pozitsiyalarda, jumladan razvedka, harbiy shaxslarni yoʻq qilishda va maxsus hududlarga kutilmagan hujum uyushtirishda ishlatiladi.

Kiyevning yangi dronlari oʻzining dramatik jangovarligi va artilleriya zarbalarini muvofiqlashtirish hamda Moskva tomonining harbiy avtomobillarni nishonga olishdagi samaradorligi bilan shuhrat qozonmoqda. Qayd etilishicha, “Kobra” eski radar tizimlaridan farqli ravishda yuqori aniqlikka ega boʻlib, jangning borishiga ham taʼsir qilishi mumkin boʻladi.

“Xalqaro maydonda dron urushi rivojlanib borar ekan, unga qarshi kurashish uchun moʻljallangan texnologiya ham rivojlanishi tabiiydir. Ikkala tomon ham mojaroda ustunlikni saqlab qolishga intilmoqda”, deyiladi xabarda.

Avvalroq, Ukraina foydasiga josuslik va terrorizmga ayblangan nemis Belarusda oʻlimga hukm qilingandi.