Odamlardan masjid qurilishi bahonasida pul yiqqanlar ushlandi
Ijtimoiy tarmoqlarda bir necha shaxslar fuqarolardan intervyu olish bahonasida suhbatlashib, ulardan firibgarlik yoʻli bilan pul yigʻayotgani aks etgan video tarqaldi. Toshkent shahar Ichki ishlar bosh boshqarmasi yuqoridagi holat yuzasidan maʼlumot berdi.
Bildirilishicha, kecha, 5-iyul kuni poytaxtning Chilonzor tumanidagi bogʻlarning birida 2004-yilda tugʻilgan Sh.S., 2001-yilda tugʻilgan S.S. va 2004-yilda tugʻilgan T.A.lar fuqarolar bilan intervyu olish bahonasida suhbatlashib, ulardan firibgarlik yoʻli bilan masjid qurilishi, nogironlarga yordam kabi bahonalarni ishlatib pul yigʻayotgani aniqlangan.
Koʻrilgan chora-tadbirlar natijasida ushbu fuqarolarning shaxsi aniqlanib, ulardan ashyoviy dalil sifatida pul mablagʻlari xolislar ishtirokida rasmiylashtirib olingan.
Qayd etilishicha, hozirda mazkur holat yuzasidan Chilonzor tumani IIO FMB tomonidan tergovga qadar tekshiruv oʻtkazilmoqda.
“Tekshiruv yakuni boʻyicha qonuniy qaror qabul qilinishi taʼminlanadi”, deyiladi IIBB xabarida.
Tavsiya etamiz
Ko‘p o‘qilganlar
- Prezident Oʻzbekiston bojxona sohasi xodimlariga tabrik yoʻlladi
- “Nigilist pingvin”. Ruhan ezilgan va hayotdan maʼno izlayotganlar uchun noodatiy mem ommalashmoqda
- Tarix va zamonaviylik uygʻunlashgan shahar — Turkiya poytaxtidan fotoreportaj
- Shimol yogʻdusi — moʻjiza emas dahshat. Quyoshda X toifali kuchli chaqnash sodir boʻldi
- Oʻzbekiston armiyasi Markaziy Osiyoda birinchi o'rinda — dunyo armiyalari reytingi eʼlon qilindi
- Toshkentda Osiyo Olimpiya kengashiga yangi rahbar saylandi (+fotoreportaj)
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring