27-iyuldan 4-avgustgacha Amerika Qoʻshma Shtatlarida “Premier League Summer Series” musobaqasi boʻlib oʻtdi. Unda Angliya Premyer-ligasi jamoalari — “Manchester United”, “Everton”, “Vest Xem” va “Bornmut” ishtirok etdi.

Turnir formatiga koʻra, har bir jamoa 3 tadan oʻyin oʻtkazib, toʻplagan ochkolar asosida gʻolib aniqlandi.

“Manchester Yunayted” musobaqani yuqori tempda boshladi — dastlabki turda “Vest Xem”ni 2:1 hisobida magʻlub etdi. Ikkinchi bahsda esa “Bornmut” ustidan yirik — 4:1 hisobida gʻalaba qozondi.

Bugun Amorin boshchiligidagi jamoa “Everton”ga qarshi uchinchi, hal qiluvchi oʻyinni oʻtkazdi. Chempionlik uchun “qizillar”ga durang ham kifoya qilardi va amalda shunday ham boʻldi — bahs 2:2 hisobida yakunlandi.

“Manchester United” tarkibida Meyson Maunt va Brunu Fernandesh gol muallifligi qilgan boʻlsa, “Everton”dan Ndiaye javob qaytardi. Yana bir gol avtogol sifatida “United” futbolchisi Ayden Xiven nomiga yozildi.

Shu tariqa, 3 oʻyinda 2 gʻalaba va 1 durang qayd etgan “Manchester Yunayted” 7 ochko jamgʻarib, “Premier League Summer Series” turnirining chempioniga aylandi.