Illyustrativ foto

Rossiyaning Perm politexnika universiteti olimlari Xitoyning mashhur gibrid avtomobillaridan birida xavfsizlik oʻlchovlarini oʻtkazdi. Oʻrganishlar davomida uning salonidagi elektromagnit nurlanish darajasi sanitariya meʼyorlaridan sakkiz baravar oshib ketishi mumkinligi maʼlum boʻldi.

Taʼkidlanishicha, Rossiyada ekologik toza transportga qiziqish tez surʼatlar bilan oʻsib bormoqda. Xususan, 2024-yilda gibrid avtomobillar savdosi qariyb uch baravar koʻpayib, 62,8 ming donaga yetdi. Bugungi kunda ushbu segmentning asosiy ulushi Gʻarb brendlari oʻrnini egallagan Xitoy modellariga toʻgʻri kelmoqda. Biroq, yoʻllarda bunday mashinalar sonining oʻsishi bilan bir qatorda, mutaxassislar yangi muammo — ularning elektromagnit xavfsizligini ham qayd etishmoqda.

• Radiatsiya manbalari vaqti-vaqti bilan ishlaydigan ichki yonuv dvigatelli avtomobillardan farqli oʻlaroq, gibridlarda kuchli tortish elektr motori, litiy-ion batareyasi va invertorlar deyarli doimiy ravishda intensiv maydonlarni yaratadi. Eng yuqori koʻrsatkichlar tezlashuv paytida qayd etilgan — elektr maydon kuchi 200 V/m.ga yetgan. Bu qabul qilingan meʼyor 25-40 V/m.dan ancha yuqori. Tormozlash vaqtida bu koʻrsatkich 50-100 V/m.ni tashkil etgan.

Universitetining yoʻl qurilishi va transport instituti direktori Aleksey Shcheludyakovning soʻzlariga koʻra, bunday maydonlarda uzoq muddatda qolish nevrologik kasalliklar, depressiya yoki saratonga olib kelishi mumkin.

Tadqiqotchilarning fikricha, himoya materiallari, elektromagnit parazit filtrlari va dizayn bosqichida yuqori voltli tizimlar arxitekturasini takomillashtirish orqali xavflarni kamaytirish mumkin. Shu bois haydovchilarga avtomobil tanlashda ushbu omilni hisobga olish tavsiya etilgan.