Hindistonning Oʻzbekistondagi yangi elchisi tayinlandi
Foto: Baxtiyor Saidov / Telegram
Bugun, 31-may kuni Oʻzbekiston Tashqi ishlar vaziri Hindistonning mamlakatdagi yangi elchisi Smita Pant bilan uchrashuv oʻtkazdi. Bu haqda vazir Baxtiyor Saidov oʻzining Telegram kanalida maʼlum qildi.
Unga koʻra, uchrashuvda ikki davlat oʻrtasidagi qishloq xoʻjaligi, turizm, transport, logistika va boshqa yoʻnalishlardagi oʻzaro aloqalarni kengaytirish masalalari muhokama qilingan.
Shuningdek, Smita Pant Oʻzbekiston Tashqi ishlar vaziriga ishonch yorliqlarini topshirgan.
“Hindistonning Oʻzbekistondagi Elchisi etib tayinlangan Smita Pant xonim bilan uchrashish va uning ishonch yorliqlari nusxalarini qabul qilishdan mamnunmiz. Savdo va investitsiyaviy hamkorlikni rivojlantirish asosiy maqsadimiz boʻlib qoladi. Elchi xonimga ikki tomonlama munosabatlarimizning foydalanilmagan salohiyatini kashf etishda muvaffaqiyatlar tilaymiz”, deb yozadi Baxtiyor Saidov.
Tavsiya etamiz
Ko‘p o‘qilganlar
- Oʻrta Osiyodagi eng baland yangi yil archasi — Namanganda
- Nilufardan Qobiljongacha... Qobuljon Rossiyada etnik nafrat tufayli vahshiylarcha oʻldirilgan birinchi bola emas
- Yaldo tuni: Yerliklar bugun eng uzun tun va eng qisqa kunga guvoh boʻladi
- Hokim yordamchisi kimga yordamchi?
- Toshkent shahrida Markaziy Osiyo davlatlari va Koreya Respublikasi parlamentlari rahbarlarining III yigʻilishi oʻz ishini boshladi
- Poytaxtga avtomobillar kirishiga hech qanday taqiq yoʻq — Toshkent shahar hokimligi
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring