Yevropa Ittifoqi ichki yonuv dvigatelli transport vositalarini butunlay taqiqlash rejasidan voz kechdi. Bu haqida BILD nashri xabar berdi.

Unda aytilishicha, Bryusselda oʻtkazilgan muzokaralardan soʻng, 2035-yilga kelib CO₂ chiqindilarini 100 foiz kamaytirish talabini bekor qilishga qaror qilingan. Buning oʻrniga, avtomobil ishlab chiqaruvchi kompaniyalarga CO₂ chiqindilarini 90 foizgacha kamaytirish imkoniyatini beruvchi qurilmalar bilan jihozlash maqsadga muvofiqligi taʼkidlangan.

Bundan kelib chiqadiki, benzin va dizel transport vositalari cheklangan miqdorda boʻlsa ham, Yevropa Ittifoqi bozoriga kirishda davom etishlari mumkin boʻladi.

Shuningdek, Yevropa xalq partiyasi rahbari Manfred Veber 2040-yildan keyin ham Yevropa Ittifoqida yangi ichki yonuv dvigatelli transport vositalarini ishlab chiqarish butunlay taqiqlanmasligini tasdiqlagan.

Weberning soʻzlariga koʻra, ushbu qaror Germaniyada hozirda ishlab chiqarilayotgan barcha dvigatel turlarini ishlab chiqarishni davom ettirishga imkon beradi. 2035-yildan keyin ham yangi, ham ishlatilgan ichki yonuv dvigatelli transport vositalarini sotib olish mumkin boʻladi.

Soʻnggi maʼlumotlarga koʻra, Germaniya fuqarolarining 63 foizi benzin va dizel dvigatelli yangi avtomobillarga 2035-yildan keyin ham ruxsat berilishi kerak deb hisoblaydi.