Illyustrativ foto

Chet el fuqarolaridan eng koʻp, yaʼni 2 780 nafar hindistonliklar oʻqish uchun Oʻzbekistonni tanladi. Bu haqda Milliy statistika qoʻmitasi xabar qildi.

Qayd etilishicha, 2025-yilning yanvar-iyun oylarida jami 9,5 ming nafar chet el fuqarolari oʻqish maqsadida Oʻzbekistonga tashrif buyurgan. Bu koʻrsatkich oʻtgan yilning mos davri bilan solishtirilganda 1,4 ming nafarga yoki 17,3 % ga oshgan.

Oʻzbekistonga xorijiy, ayniqsa Hindistonlik talabalar oqimining ortishi bir necha omillar bilan izohlanadi. Avvalo, bu yerda taʼlim narxlarining nisbatan arzonligi va kirish talablari soddaligi ularni oʻziga tortadi. Bundan tashqari, Oʻzbekistonda faoliyat yuritayotgan xalqaro universitetlar va filiallar sonining ortishi ham bu jarayonga turtki bermoqda.

2025-yilda yanvar iyun oylarida yurtimizga oʻqish maqsadida kelgan chet el fuqarolari mamlakatlar kesimida:

Hindiston — 2780 nafar;

Turkmaniston — 2622 nafar;

Tojikiston — 1145 nafar;

Xitoy — 459 nafar;

Janubiy Koreya — 381 nafar;

Pokiston — 348 nafar;

Qirgʻiziston — 263 nafar;

AQSH — 232 nafar;

Afgʻoniston — 167 nafar;

Turkiya — 161 nafar;

Boshqa davlatlar — 988 nafar.