Angorda yoqilgʻi toʻla sisterna portladi. 1 kishi vafot etdi
28-iyul kuni 22:00 lar atrofida Surxondaryo viloyatining Angor tumanida mahalliy korxonalardan biriga tegishli ombor hududida sisterna portlagan. Voqeaga xavfsizlik qoidalariga rioya etmaslik sabab boʻlgan, deb yozadi Favqulodda vaziyatlar vazirligi matbuot xizmati.
Maʼlum qilinishicha, 1981-yilda tugʻilgan payvandchi K.A. dizel yoqilgʻisi toʻlatilgan 10 tonnalik sisternani payvand qilib yamamoqchi boʻladi. Xavfsizlik texnikasi qoidalariga rioya qilmaslik sigʻimning yorilishiga olib keladi.
Hodisa oqibatida fuqaro K.A. voqea joyida vafot etadi, uning yonida turgan P.K. esa tanasining turli darajadagi kuyishlari bilan tuman tibbiyot birlashmasiga yetkaziladi.
Yoyilgan alanga sisterna yoniga toʻxtatib qoʻyilgan Isuzu markasidagi yuk mashinasining ham yonib ketishiga sabab boʻladi.
Voqea yuz bergan joyga Surxondaryo viloyati Favqulodda vaziyatlar boshqarmasining ikkita yongʻin-qutqaruv ekipaji yetib kelgan va ular tezkorlik bilan yongʻinni oʻchirgan.
Tavsiya etamiz
Ko‘p o‘qilganlar
- Jahon olimlari nigohi yana Oʻzbekistonga qaratildi
- Prezident Oʻzbekiston oʻqituvchi va murabbiylariga tabrik yoʻlladi
- Oʻzbekistonda dollarning rasmiy kursi oʻzgardi
- Prezident Ismoil Joʻrabekov vafoti munosabati bilan hamdardlik bildirdi
- Oʻzbekiston va Turkmaniston: barqaror rivojlanish yoʻlidan borayotgan davlatlar
- Tadbirkorlar yangicha yondashuvlar asosida qoʻllab-quvvatlanadi
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring