Andijonda 2 ta “Spark” ishtirokida YTH yuz berdi
Andijon tumanida ikkita “Spark” ishtirokida yoʻl-transport hodisasi yuz berdi. Viloyat Yoʻl harakati xavfsizligi boshqarmasi hodisa yuzasidan maʼlumot berdi.
Qayd etilishicha, hodisa bugun, 3-iyul kuni soat 01:35 lar atrofida Andijon tumani “Oʻrikzor” MFY hududidan oʻtgan D-17 avtomobil yoʻlining 7 kilometrida sodir boʻlgan.
Aniqlik kiritilishicha, 20 yoshli A.S. “Spark” rusumli avtomashinasini Andijon shahar yoʻnalishi boʻylab boshqarib kelayotib, quvib oʻtish qoidasini buzgan va yoʻlning qarama-qarshi tomoniga oʻtgan vaqtida oʻz yoʻnalishida harakatlanib kelayotgan boshqa bir “Spark” bilan toʻqnashib ketgan.
“Ushbu yoʻl-transport hodisasi oqibatida tan jarohati olgan fuqarolar bor”, deyiladi xabarda.
Hozirda mazkur holat yuzasidan Andijon tumani IIB YHXB xodimlari tomonidan surishtiruv ishlari olib borilmoqda.
Tavsiya etamiz
Ko‘p o‘qilganlar
- Jahon olimlari nigohi yana Oʻzbekistonga qaratildi
- Prezident Oʻzbekiston oʻqituvchi va murabbiylariga tabrik yoʻlladi
- Oʻzbekistonda dollar kursi oʻzgardi
- Oʻzbekistonda dollarning rasmiy kursi oʻzgardi
- Prezident Ismoil Joʻrabekov vafoti munosabati bilan hamdardlik bildirdi
- Oʻzbekiston va Turkmaniston: barqaror rivojlanish yoʻlidan borayotgan davlatlar
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring