Зеленский Украинадаги уруш 2026 йилнинг биринчи ярмида якунланиши мумкинлигини истисно қилмади
Украинадаги уруш 2026 йилнинг биринчи ярмида якунланиши мумкин. Бу ҳақда Украина раҳбари Владимир Зеленский маълум қилди. Унинг сўзларини УНИАН келтирди.
«Биз музокаралар европалик ҳамкорларимиз, албатта, АҚШ ва «кўнгиллилар коалицияси»нинг барча иштирокчилари билан бирга янги босқичга чиққанини қайд этяпмиз. Биз тушунамизки, бу уруш Евроиттифоқдаги раислигингиз давридаёқ якунланиши мумкин», — деди Зеленский Европа Иттифоқи Кенгашида Кипрнинг раисликни қабул қилиб олиш маросимида сўзлаган нутқида.
УНИАН қайд этишича, бу ерда 2026 йилнинг биринчи ярми назарда тутилмоқда, чунки Кипр Европа Иттифоқи Кенгашига 2026 йил 1 июлига қадар раислик қилади.
Зеленский тинчлик жараёнида Европа Иттифоқи ҳал қилувчи роль ўйнаётганини алоҳида таъкидлади.
«Янги пакет тайёрланмоқда, Россиянинг соя флотини нишонга олиш учун кўплаб қадамлар қўйилмоқда. Чунки Россия йўқотаётган ҳар бир доллар — унинг агрессор сифатидаги имкониятларининг қисқариши демак», — дея қўшимча қилди у.
Тавсия этамиз
Кўп ўқилганлар
- Ўзбекистонда ЯТТ ва ўзини ўзи банд қилган шахслар QR-кодсиз фаолият юритса жаримага тортилади
- Хонанда Раҳматилло Юсупов 44 ёшда вафот этди
- Сизни ажаблантирадиган анъаналар. Дунё бўйлаб янги йил қандай нишонланади?
- Ўзбекистон Президенти ва халқига Янги йил байрами муносабати билан самимий қутловлар келмоқда
- Хорижий валюталарнинг ўзбек сўмига нисбатан Янги йилдан кейин амалда бўладиган қиймати эълон қилинди
- Ўзбекистон Республикаси Президенти Шавкат Мирзиёевнинг Ўзбекистон халқига Янги йил табриги
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг