Яна бир бозор аукционга қўйилди
Тошкент шаҳридаги «Бешқўрғон» бозорининг («Рисовий» бозори) бинолари ва ер майдони E-auksion савдо платформаси орқали аукционга қўйилди.
Давлат активларини бошқариш агентлиги Тошкент шаҳар ҳудудий бошқармаси томонидан Вазирлар Маҳкамасининг 2024 йил 10 июлдаги 411-сон қарори асосида сотувга қўйилган «Фарғона» йўли ва «Абдурауф Фитрат» кўчалари кесишмасида жойлашган лотнинг бошланғич нархи 15,94 миллиард сўм этиб белгиланган.
Харидор бу ерда замонавий савдо мажмуаси, «экобозор», кўнгилочар масканлар, бизнес марказ, офис ва хизмат кўрсатиш майдонлари, шунингдек, автотураргоҳ қуриши керак. Қурилиш ишлари махсус лойиҳалаш ташкилоти томонидан ишлаб чиқилган мастер-режа асосида амалга оширилади. Аризалар 28 апрель куни соат 09:00 гача қабул қилинади, натижалар эса 10:00 да эълон қилинади.
Аввалроқ, ўтган йилнинг ноябрь ойида «Аския» бозори ҳам аукционга қўйилиб, 15 дақиқа давом этган аукционда 225,59 миллиард сўмлик битта ставкадан сўнг якунланиб, Хитойнинг «Sheng Ke-International» компаниясига сотилганди.
Тавсия этамиз
Кўп ўқилганлар
- «Адабиёт ва ҳаёт»: Султонбой Деҳқоновнинг шахсий фотокўргазмаси очилди (+фоторепортаж)
- Ҳокимлик Тошкентни “юва бошлади“. Хўш, сув сепиш ҳаво ифлосланишини камайтирадими?
- Камбағалликни қисқартириш: пул эмас, ақл-идрок ва билим муҳим
- Ўзбекистонда хотин-қизларга нисбатан рақамли зўравонликка барҳам бериш бўйича 16 кунлик кампания бошланди
- FIDE жаҳон кубоги чемпиони Жавоҳир Синдаровни кутиб олиш маросими бўлиб ўтди (+фоторепортаж)
- “Матонатли Марям” фильми кенг жамоатчиликка тақдим этилди
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг