Трамп Европа Россиядан нефть харид қилишни тўхтатишга чақирди
АҚШ президенти Дональд Трамп Европа Россияга нисбатан жорий этган чекловларни етарли даражада қаттиқ эмаслигини айтди. Унинг таъкидлашича, Вашингтон Москвага қарши янада кучли санкциялар жорий этишга тайёр, аммо бу фақат Европанинг ўзи ҳам чораларни кучайтирган тақдирдагина амалга оширилади. Бу ҳақда DW хабар берди.
«Европа Россиядан нефть сотиб олишда давом этмоқда. Мен уларнинг нефть харид қилишларини хоҳламайман. Улар қўллаётган санкциялар етарлича қатъий эмас. Мен санкция жорий қилишни хоҳлайман, аммо улар мен қилган ишга мос равишда ўз чораларини кучайтиришлари шарт», — деган АҚШ раҳбари журналистлар олдидаги чиқишида.
Бундан олдин Трамп Truth Social ижтимоий тармоғида хат эълон қилиб, НАТОга аъзо барча давлатлар биргаликда келишган ҳолда Россияга қарши жиддий санкциялар жорий этганда ва Москвадан нефть харид қилишни тўхтатганда Вашингтон ўз чекловларини кучайтиришини билдирган эди.
Сентябрь ойи бошида эса у Европа раҳбарларини Украинадаги урушни «молиялаштираётгани» учун танқид қилган ва уларни Россия нефтидан воз кечишга чақирган.
Тавсия этамиз
Кўп ўқилганлар
- Президент Ўзбекистон ўқитувчи ва мураббийларига табрик йўллади
- Ўзбекистон ва Туркманистон: барқарор ривожланиш йўлидан бораётган давлатлар
- Тошкентда «Ўзбеккосмос» ва «NASA» агентликлари ҳамкорлигида «NASA Space Apps Challenge 2025» Ҳакатон тадбири ўтказилмоқда
- Туман ва шаҳар ҳокими ўринбосарлари сони қисқартирилади
- Саудия Арабистонида «Ўзбекистон маданияти кунлари» давом этмоқда
- Супер ой: Бугун Ернинг табиий йўлдоши одатдагидан анча катта кўринмоқда
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг