Трамп Эронга зарба беришни кўриб чиқмоқда
АҚШ Яқин Шарқдаги ҳарбий ҳаракатларини кучайтиришга киришди. «Fox News» телеканали хабарига кўра, Америка қўшинлари минтақага қўшимча қирувчи самолётларни жўнатмоқда ҳамда у ердаги авиация кучлари дислокациясини узайтирмоқда.
CNN манбалари маълум қилишича, АҚШ президенти Дональд Трамп Эронга қарши эҳтимолий ҳаво ҳужуми сценарийларини кўриб чиқмоқда. Шу доирада АҚШ ҳарбийларига Исроилга ёнилғи қуйишда ёрдам бериш ҳақида буйруқ бериш эҳтимоли мавжуд. Манбаларнинг таъкидлашича, ҳарбийлар бундай амалиётга тайёргарликни бошлаб юборган.
«Axios» нашрининг ёзишича, Трамп Эроннинг бир неча стратегик объектлари, жумладан, Фордо ядровий комплекси — уранни бойитиш марказига зарба бериш имконини муҳокама қилмоқда.
Буюк Британия ҳам Яқин Шарқдаги ҳарбий ҳаракатларини фаоллаштирмоқда. Мамлакат мудофаа вазири Жон Хилининг маълум қилишича, Лондон минтақадаги базаларига қўшимча қирувчи самолётлар жўнатишга киришган.
«Independent» нашри хабар беришича, самолётларнинг биринчи гуруҳи аллақачон ўз манзилига етиб борган.
Тавсия этамиз
Кўп ўқилганлар
- “Ўтган баҳсда концентрация бироз жойида эмас эди. Шу сабабли “жиннича” хатоларга йўл қўйдик” — Фабио Каннаваро
- АҚШ мудофаа харажатлари туфайли НАТО бўйича иттифоқчиларини ҳимоя қилишдан воз кечиши мумкин
- Бен Кингсли иштирок этган Ислом цивилизацияси маркази ҳақидаги фильм New York Festivals 2026 финалига йўл олди
- Шавкат Мирзиёев Саудия Арабистони Подшоҳлиги Валиаҳди Муҳаммад бин Салмон Ол Сауд билан телефон орқали мулоқот қилди
- Тошкентда қиличбозликнинг сабля йўналиши бўйича Жаҳон кубоги босқичи старт олди
- «Дронлар дуэли» ёхуд Украинадан Эронгача бўлган синов полигонларида шаклланган янги дунё тартиби
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг