Тошкентда туннель девори ўпирилиб тушди
Фото: Тошкент шаҳар ҳокимлиги
Тошкент шаҳрининг Мирзо Улуғбек туманида Темур Малик ва Буюк ипак йўли кўчалари кесишмасидаги янги туннель йўли деворининг бир қисми ўпирилиб тушди. Пойтахт ҳокимлиги мазкур ҳодиса юзасидан маълумот берди.
Билдирилишича, содир бўлган ҳодиса юзасидан Тошкент шаҳар ҳокими ишчи гуруҳ ва мутасадди хизматлар раҳбарлари билан биргаликда зудлик билан воқеа жойига етиб борган. Айни пайтда мутахассислар ҳудудни кўздан кечириб, вазиятга дастлабки баҳони бермоқда.
«Барча зарур хизматлар жалб қилиниб, хавфсизликни таъминлаш чоралари кўрилмоқда. Вазият доимий назоратга олинган», дейилади ҳокимлик хабарида.
Ижтимоий тармоқларда тарқалган тасвирларда ўпирилиш содир бўлган жойнинг рўпарасидаги йўл юзасида ҳам йирик ёриқлар пайдо бўлганини ҳам кўриш мумкин.
Ҳозирча кўприкнинг бир қисми нега кўчиб тушгани ва ҳодиса оқибатлари бўйича маълумот берилмаган.
Маълумот учун, ушбу йўл ўтказгич Темур Малик кўчасини реконструкция қилиш лойиҳаси доирасида 128,6 миллиард сўм эвазига қурилган. Иншоот 2024 йил август ойида фойдаланишга топширилган эди.
Тавсия этамиз
Кўп ўқилганлар
- 1 март — Зулфия таваллуд топган кун. «Бугун тунда келармиш баҳор»
- Нодирбек Абдусатторов Прагадаги шахмат фестивалида чемпионликни қўлга киритди
- Ўзбекистондаги Ислом цивилизацияси маркази Prix Versailles талқинига кўра 2026 йилнинг дунёдаги энг гўзал музейлари рўйхатига киритилди
- Эндиликда йўловчи божхона декларациясини мобил илова орқали электрон шаклда топшириш мумкин
- Матчанов Умирзак Сеитжановичнинг иқтисодиёт фанлари бўйича фалсафа доктори (PhD) диссертация ҳимояси эълони
- Эроннинг ҳужум салоҳияти 50 фоизга қисқарди – АҚШ сенатори
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг