Сенатнинг Халқаро муносабатлар, ташқи иқтисодий алоқалар, хорижий инвестициялар ва туризм масалалари қўмитаси раиси Алишер Агзамходжаев ва сенатор Покиза Ахмеджанова Сирдарё вилояти Гулистон давлат университетида вилоятнинг фаол ёшлари билан учрашув ўтказди.

Тадбирда сенаторлар ёшлар учун яратилаётган имкониятлар, мамлакатимизда амалга оширилаётган кенг кўламли ислоҳотлар, ёшларга оид давлат сиёсатининг устувор йўналишлари, сифатли таълим бериш, хорижда ўқиш ва малака ошириш имкониятлари, шунингдек, мамлакатимизнинг халқаро нуфузи ҳамда ташқи иқтисодий алоқалари тўғрисида батафсил маълумот тақдим этилди.

Учрашув давомида Сенат ва Сирдарё ёшлари ўртасидаги мулоқотни кенгайтириш, ёшларни қўллаб-қувватлашга қаратилган лойиҳалар, спорт, маданият ва ижод масканларини ривожлантириш, хорижий тилларни чуқур ўрганиш, сунъий интеллект ва замонавий касбларга йўналтириш бўйича амалга оширилаётган ишлар ҳам муҳокама қилинди.

Мулоқотда иштирок этган ёшлар ўзларини қизиқтирган саволларига жавоблар олди ҳамда ўз таклиф ва ташаббусларини билдирди.