Senatning Xalqaro munosabatlar, tashqi iqtisodiy aloqalar, xorijiy investitsiyalar va turizm masalalari qoʻmitasi raisi Alisher Agzamxodjayev va senator Pokiza Axmedjanova Sirdaryo viloyati Guliston davlat universitetida viloyatning faol yoshlari bilan uchrashuv oʻtkazdi.

Tadbirda senatorlar yoshlar uchun yaratilayotgan imkoniyatlar, mamlakatimizda amalga oshirilayotgan keng koʻlamli islohotlar, yoshlarga oid davlat siyosatining ustuvor yoʻnalishlari, sifatli taʼlim berish, xorijda oʻqish va malaka oshirish imkoniyatlari, shuningdek, mamlakatimizning xalqaro nufuzi hamda tashqi iqtisodiy aloqalari toʻgʻrisida batafsil maʼlumot taqdim etildi.

Uchrashuv davomida Senat va Sirdaryo yoshlari oʻrtasidagi muloqotni kengaytirish, yoshlarni qoʻllab-quvvatlashga qaratilgan loyihalar, sport, madaniyat va ijod maskanlarini rivojlantirish, xorijiy tillarni chuqur oʻrganish, sunʼiy intellekt va zamonaviy kasblarga yoʻnaltirish boʻyicha amalga oshirilayotgan ishlar ham muhokama qilindi.

Muloqotda ishtirok etgan yoshlar oʻzlarini qiziqtirgan savollariga javoblar oldi hamda oʻz taklif va tashabbuslarini bildirdi.