Самарқандда аёл 15 ёшли жиянини сотмоқчи бўлди
Самарқанд вилоятида 15 ёшли жиянини сотмоқчи бўлган аёл қўлга олинди. Бу ҳақда вилоят Ички ишлар бошқармаси матбуот хизмати хабар қилди.
Маълум бўлишича, бир фуқаро ИИБга мурожаат қилиб, Каттақўрғон туманида яшовчи икки аёл 15 ёшли болани 50 миллион сўмга сотмоқчилиги ва пул талаб қилганини билдирган. У ҳуқуқ-тартибот идораларига аудиоёзув кўринишидаги далилларни тақдим этган.
11 июнь куни тезкор тадбир ўтказилиб, аёллардан бири жияни учун 20 миллион сўм олаётган вақтида ашёвий далиллар билан қўлга олинди.
Мазкур ҳолат юзасидан Жиноят кодексининг 135-моддаси (Одам савдоси) 3-қисми «а» банди билан жиноят иши қўзғатилган. Ҳозирда дастлабки тергов ҳаракатлари олиб борилмоқда.
Аввалроқ одам савдоси жиноятини содир этиб Туркияда яшириниб юрган Ўзбекистонлик аёл Тошкентга экстрадиция қилингани ҳақида хабар қилгандик. Жиноятчи аёлларни алдаб, уларни Туркияга олиб келган. Шундан сўнг, қизларнинг паспортларини тортиб олиб, уларни фоҳишалик билан шуғулланишга мажбурлаган.
Тавсия этамиз
Кўп ўқилганлар
- Иш ҳақи, пенсия, нафақа ва стипендиялар миқдори 10 фоизга оширилади
- Кадастр паспортларини бериш муддатлари ўзгартирилди
- Олимлар Альцгеймер касаллигидан ҳимоя қилувчи парҳез ҳақида маълумот беришди
- Доллар курси ошишда давом этмоқда
- Президент Маккада бўлиб турган муфтий шайх Нуриддин Холиқназар билан телефонлашди
- Паркентда йилига 20 минг сайёҳни қабул қиладиган туристик мажмуа очилмоқда
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг