Маълум бўлишича, мессенжер баъзи талабларга риоя этишдан бош тортмоқда.

Агар «WhatsApp» ҳуқуқ-тартибот идоралари билан ҳамкорлик қилмаса 2025 йилда блокланиши мумкин.

Мессенжерга киришни чеклаш эҳтимоли жуда юқорилиги ҳамда қолган барча хорижий компаниялар ҳам Россия қонунчилигига риоя қилиши шарт эканлиги таъкидланган.

«WhatsApp» орқали экстремистик ташкилотлар ҳаракат қилмоқда ва хизмат россиялик ҳуқуқ-тартибот идоралари билан ҳамкорлик қилишдан бош тортмоқда.

Агар мессенжер раҳбарияти Россия қонунларига риоя қилмаса, «WhatsApp» 2025 йилда блокланиши мумкин, деди сенатор Артём Шейкин.

Мессенжер Россияда ҳанузгача блокланмаган ягона «Мета» хизмати ҳисобланади. 19 декабрь куни у ахборот тарқатувчилар реестрига киритилган.

Хизмат Россия ҳуқуқ-тартибот органлари билан ҳамкорлик қилмайди. Ҳокимият эса ундан ўзгаришлар кутмоқда.

«Бу тузилмадан модерацияда жиддий ўзгаришлар талаб қилинмаётганини ҳисобга олсак, ушбу хизматнинг ҳамкорликка қай даражада тайёр эканлигини кўришимиз лозим. Биз ўз қадамимизни қўйдик, энди навбат «WhatsApp» томонида», деди Давлат думаси депутати Олег Матвейчев.