Россия 2024 йилда қанча аскарини йўқотди?
Америка урушни ўрганиш институти ҳисоботига кўра, 2024 йил давомида Россия Украинага қарши урушда 420 000 нафар ҳарбийини йўқотган.
«Ўртача ҳисобда, россияликлар ҳар бир эгалланган квадрат километр учун 102 кишини йўқотган. Жами 593 квадрат километр ҳудуд эгалланган.
Йўқотишлар деганда жанг майдонида ҳалок бўлган ва доимий жанговар қобилиятини йўқотган ярадорлар назарда тутилган», — дейилади институт ҳисоботида.
Маълум қилинишича, Россия кучлари 2024 йил сентябрь, октябрь ва ноябрь ойларида кучайган ҳужум операциялари оқибатида, тахминан 125.800 қурбон эвазига 2356 квадрат километр майдонни эгаллай олишган. Бу кўрсаткич 2024 йилдаги ҳудудий ютуқларининг 56,5 фоизини ташкил қилган.
Ҳисоботда айтилишича, аввалроқ, Россия Хавфсизлик Кенгаши раисининг ўринбосари Дмитрий Медведев 2024 йилда 440 минг чақирилувчи Россия Мудофаа вазирлиги билан ҳарбий хизмат шартномасини имзолаганини таъкидлаган.
Тавсия этамиз
Кўп ўқилганлар
- Нодирбек Абдусатторов Прагадаги шахмат фестивалида чемпионликни қўлга киритди
- Матчанов Умирзак Сеитжановичнинг иқтисодиёт фанлари бўйича фалсафа доктори (PhD) диссертация ҳимояси эълони
- Яқин Шарқдаги кескинликнинг нархи: АҚШ, Исроил ҳамда Эрон уруш учун қанча сарфлаяпти?
- “Барселона” қийин ғалабани қўлга киритди
- Аёллар Осиё чемпионати мусобақасининг 3-тур ўйинлари давом эттирилди
- Трамп Эрондаги ҳарбий операция «деярли якунланганини» маълум қилди
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг