Қорақалпоғистонда ППХ ходими 10 млн сўм пора билан ушланди
Видеодан кадр
Қорақалпоғистонда патруль-пост хизмати ходими 10 миллион сўм пора билан ушланди. Бу ҳақда Ички ишлар вазирлиги ахборот хизмати хабар берди.
Қайд этилишича, 2001 йилда туғилган фуқаро содир этган ҳуқуқбузарлигининг жазо чорасини енгиллаштирмоқчи бўлиб, ҳар хил ечимларни топишда ўзи тамагирлик тузоғига тушиб қолаётганини сезган. Шундан сўнг у Ички ишлар вазирлиги Шахсий хавфсизлик бош бошқармаси Қорақалпоғистон Республикаси бўйича бошқармасига ариза билан мурожаат қилган.
Мурожаат асосида ўтказилган тезкор тадбирда, танишининг муаммоли аҳволидан фойдаланган патруль-пост хизмати ходими унинг яшаш хонадонига бориб, профилактика инспектори иш юритувида бўлган материаллар бўйича ишни суд тиббиёт экспертизаси орқали енгиллаштириб бериш эвазига 10 миллион сўм олган вақтида ашёвий далиллар билан қўлга олинган.
Маълум қилинишича, ҳозирда мазкур ҳолат юзасидан пост-патруль хизмати ходимига нисбатан Жиноят кодексининг 168-моддаси (Фирибгарлик) 3-қисми «в» билан иш очилиб, «уй қамоғи» эҳтиёт чораси қўлланган.
Тавсия этамиз
Кўп ўқилганлар
- «E-ekspertiza» платформаси орқали электрон ҳужжатлар алмашинувини йўлга қўйиш тартиби тасдиқланди
- Нодавлат суд-эксперти сифатида фаолият юритиш янада соддалаштирилади
- «Истанбул Башакшеҳир» меҳмондан ғалаба билан қайтди
- Украинанинг уч вилоятида портлашлар қайд этилди. Қурбонлар бор
- Бу йил Ўзбекистон Пролигасида 14 та жамоа иштирок этади
- Шавкат Мирзиёев Вашингтон шаҳрида Тинчлик кенгашининг дастлабки йиғилишида иштирок этди
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг