Фото: "Халқ сўзи"

Пойтахтимиздаги Миллий матбуот марказида “Умумий ҳарбий мажбурият ва ҳарбий хизмат тўғрисида»ги Ўзбекистон Республикаси Қонунига ўзгартиш ва қўшимчалар киритиш ҳақида”ги Қонун мазмун-моҳияти ҳамда аҳамиятига бағишланган матбуот анжумани ташкил этилди.

Тадбирда Ўзбекистон Республикаси Мудофаа вазирлиги мутасаддилари, соҳага тааллуқли бошқа вазирлик ҳамда идоралар вакиллари, оммавий ахборот воситалари ходимлари қатнашди.

Таъкидланганидек, бугунги кунда мамлакатимизда мудофаа, ҳарбий соҳани замон талаблари даражасида ривожлантириш, унинг моддий-техника базасини янада мустаҳкамлаш, шунингдек, ҳарбий хизматни ўташ тизимини такомиллаштириш юзасидан изчил ислоҳотлар олиб борилмоқда.

Кўрилаётган чора-тадбирлар эса Қуролли Кучлар таркибини сифат жиҳатидан тўлдириш имконини беряпти. Мазкур йўналишларда олиб борилаётган ишларнинг мантиқий давоми сифатида “Умумий ҳарбий мажбурият ва ҳарбий хизмат тўғрисида»ги Ўзбекистон Республикаси Қонунига ўзгартиш ва қўшимчалар киритиш ҳақида”ги Қонун қабул қилингани эса айни муддао бўлди.

Тадбирда мазкур Қонун билан киритилган ўзгартиш ва қўшимчалар бўйича батафсил маълумот берилди. 

Матбуот анжуманида Мудофаа вазирлиги вакиллари, шунингдек, Тошкент шаҳар ва вилояти Мудофаа ишлари бошқармалари бошлиқлари жавоб қайтарди.

"Халқ сўзи".