Ўзбекистон Республикаси Президенти Администрациясида қатор тайинловлар амалга оширилди. Бу ҳақда Президент матбуот котиби Шерзод Асадов маълум қилди.

Билдирилишича, Президенти Администрациясининг фармойиши билан:

Қобулжон Холиқович Аҳмедов Ўзбекистон Республикаси Президенти Администрацияси ҳузуридаги Оммавий ахборот воситалари учун контент тайёрлаш маркази директори лавозимига тайинланди. У бунгача «MY5» телеканалининг бош директори бўлган, тайинловга қадар МТРКнинг «Ёшлар» ижодий бирлашмаси директори лавозимини эгаллаб келган.

Ҳусан Равшанович Салихов Ўзбекистон Республикаси Президенти Администрацияси ҳузуридаги Оммавий ахборот воситалари учун контент тайёрлаш маркази директори ўринбосари лавозимига тайинланди. Ҳусан Салихов – таниқли режиссёр, тайинловга қадар Президент Матбуот хизматининг Медиа марказига раҳбарлик қилган.

Жаҳонгир Муҳаммадали ўғли Абдураҳмонов Ўзбекистон Республикаси Президенти Администрацияси ҳузуридаги Оммавий ахборот воситалари учун контент тайёрлаш маркази директори ўринбосари лавозимига тайинланди. Абдураҳмонов мазкур тайинловга қадар Президент Матбуот хизматида бош консультант лавозимини эгаллаб келган, бундан аввал «UZREPORT» телеканалида шеф-муҳаррир бўлган.