Фото: AP

Ўттиз тўрт ёшли мусулмон-демократ Зоҳран Мамдани АҚШнинг энг йирик шаҳарларидан бири — Нью-Йорк мэри этиб сайланди. Шу тариқа у 100 йилдан ортиқ вақт ичида шаҳарнинг энг ёш мэри, шунингдек, бу лавозимни эгаллаган биринчи мусулмон бўлди. Зоҳран Мамдани 1991 йилнинг 31 октябрь куни Уганданинг Кампала шаҳрида туғилган.

Ўзини социалист деб эълон қилган Мамдани собиқ губернатор Эндрю Куомо ва республикачи Кертис Сливани мағлуб этди. Айримларнинг фикрича, Мамдани реал бўлмаган улкан сайловолди ваъдаларининг бажаришда қийинчиликларга дуч келади.

Мамдани гулдурос қарсаклар остида гапирар экан ва ғалабасини нишонлар экан, Нью-Йорк шаҳридаги шод оломон олдида шундай деди: «Дўстлар, биз сиёсий сулолани ағдариб ташладик!».

«Эсимизда қолган вақтдан бери бой ва қудратли одамлар ишлайдиган Нью-Йоркликларга ҳокимият уларга тегишли эмаслигини айтишган, аммо сўнгги 12 ой ичида сиз кўпроқ нарсага интилишга журъат этдингиз. Бугун, барча қийинчиликларга қарамай, биз бунга эришдик», — деди Мамдани.

Губернатор Кети Хочул Мамданини ғалаба табриклаб, у билан «шаҳарни янада арзонроқ ва яшашга яроқли қилиш» учун ишлашни интиқлик билан кутишини билдирди.

Шаҳар сайлов кенгашининг маълумотларига кўра, сайловда 2 миллиондан ортиқ Нью-Йорклик овоз берган ва бу 50 йилдан ортиқ вақт ичида мэр сайловларида энг юқори иштирокни кўрсатди.

Мамдани Нью-Йорк шаҳри мэри сифатида коррупцияга чек қўйишини ва АҚШ президенти Дональд Трамп ва унинг издошларига қарши туришини ваъда қилди.

«Нью-Йорк муҳожирлар томонидан қурилган, муҳожирлар томонидан бошқариладиган ва энди муҳожир бошқарадиган муҳожирлар шаҳри бўлиб қолади», — деди у.

Шу ўринда Мамдани АҚШ президентига ҳам мурожаат қилиб шундай деди: «Менга қулоқ солинг, Президент Трамп, агар сиз бизлардан биримизга етиб бормоқчи бўлсангиз, барчамиздан ўтишингиз керак бўлади».

Мамдани бойларга солиқларни ошириш ва минимал иш ҳақини соатига 16,50 доллардан соатига 30 долларгача ошириш тарафдори. Унинг айтишича, у Нью-Йорк шаҳрида бепул мактабгача таълим муассасаларига универсал киришни таъминлашни ва аста-секин бепул автобус транспортини жорий этишни истайди.

Шу йилнинг 8 июль куни Трамп Мамданига агар у Нью-Йорк шаҳри мэри бўлса, «ўзини яхши тутиши» керак бўлиши ёки «катта муаммога» дуч келиши билан таҳдид қилганди. Президентнинг сўзларига кўра, АҚШ «Мамданининг фалсафасига тайёр эмас ва ҳеч қачон тайёр бўлмайди».