Дональд Трамп Форс кўрфази ва НАТОдан Ҳўрмуз бўғозини очишда ёрдам беришни талаб қилди.

«Мен ушбу мамлакатлардан бу ерга келиб, ўз ҳудудларини ҳимоя қилишни талаб қиламан, чунки бу уларнинг ҳудудлари. Улар бизга ёрдам бериши керак. Аслида бу ерда биз бўлишимизнинг кераги йўқ, чунки бунга муҳтож эмасмиз, биринчи рақамли нефть ишлаб чиқарувчимиз», — деган Трамп.

Президентнинг айтишича, агар иттифоқдагилар ёрдамга келмаса, НАТОни жуда ёмон келажак кутмоқда.

«Биз ҳар доим НАТОга ёрдам беришга тайёрмиз. Биз уларга Украина борасида ёрдам берамиз, ўртамизда океан бор, бизга тааллуқли жойи йўқ шундай бўлсада уларни қўлладик. Бўғозни очиқ ушлаб туришдай кичик бир ишда қайси давлатлар бизга ёрдам бермаслигини кўриш қизиқ», — деган Оқ уй раҳбари.

Шунингдек, АҚШ раҳбари Буюк Британияни ёрдам чақириғига жавоб беришга шошилмай, кемаларини бўғозга йўналтирмаганини танқид қилган.

Шунингдек, у Пекин ҳам Ҳўрмуз бўғозида хавфсизликни таъминлашда иштирок этиши кераклигини таъкидламоқда, чунки Хитой ва Европанинг АҚШга қараганда кўпроқ нефть етказиб беришига боғлиқ. Маълумотларга кўра, The Wall Street Journal Оқ уй шу ҳафта Ҳўрмузда кемаларни ҳимоя қилиш учун халқаро коалиция тузилганлигини эълон қилмоқчи.