Ҳашаматли уловлар автомобилсозликнинг энг юқори чўққисини ифодалайди. Улар илғор технологияларни бетакрор дизайн билан уйғунлаштиради. Бу мақолада дунёдаги энг қиммат автомобиллар ўнталигини тақдим этмоқчимиз.

1-ўрин. «Rolls Royce Boatail» (28 миллион АҚШ доллар)

«Rolls Royce Boatail» – бу энг талабчан мижозлар учун мўлжалланган, буюртма асосида яратилган. Яхталардан илҳомланилган ушбу «арава» орқа корпус, махсус пардозланган салон ва очилиб ёпилувчи томга эга.

2-ўрин. «Bugatti La Voiture Noire» (18,7 миллион АҚШ доллар)

«Bugatti La Voiture Noire» классик ноёб гиперкардир. Тўрт турбинали W16 двигатели билан жиҳозланган 1479 от кучига эга мотор ҳам техник мўъжиза, ҳам санъат асаридир.

3-ўрин. «Pagani Zonda HP Barchetta» (17,5 миллион АҚШ доллар)

Ушбу ноёб модель 7,3 литрли W12 двигатели ва тепаси очиқ дизайнга эга. Унинг углерод толали конструкцияси ва ноёб услуби ушбу «тўрт оёқли темир қути»ни коллекционерларнинг орзусига айлантиради.

4-ўрин. «Bugatti Centodieci» (9 миллион АҚШ доллар)

«Bugatti Centodieci» бренднинг 110 йиллиги муносабати билан ишлаб чиқарилган ҳақиқий санъат асари ҳисобланади. Автомобиль 1600 от кучига эга тўрт турбо W16 двигателига эга.

5-ўрин. «Mercedes-Benz Maybach Exelero» (8 миллион АҚШ доллар)

«Exelero» икки турболи W12 двигатели ва нафис, ҳайратланарли дизайни билан ажралиб туради. Ушбу автомобиль «Maybach»нинг нафислигини «Mercedes-Benz» кучи билан уйғунлаштиради.

6-ўрин. «Bugatti Divo» (5,8 миллион АҚШ доллар)

«Bugatti Divo» тезлик учун «туғилган» дейиш мумкин. 40 донагина ишлаб чиқарилган ушбу модель 1479 от кучига эга бўлиб, 380 км/соат тезликка чиқа олади.

7-ўрин. «Pagani Huayra Imola» (5,4 миллион доллар)

827 от кучига эга 6,0 литрли W12 двигатели билан жиҳозланган суперкар гўзаллик ишқибозлари учун дейиш мумкин.

8-ўрин. «Koenigsegg CCXR Trevita» (4,8 миллион АҚШ доллар)

«Trevita» ноёб олмос толали қопламага эга. Унинг икки қўшимча зарядланган W8 двигатели 1018 от кучига эга двигателларга эга моторини автомобиль ишқибозлари жуда қадрлайди.

9-ўрин. «Lamborghini Veneno» (4,5 миллион АҚШ доллар)

«Lamborghini» компаниясининг 50 йиллигига бағишлаб кам нусхада ишлаб чиқарилган «Veneno» ажойиб дизайнга эга гиперкардир. Унинг 6,5 литрли W12 двигатели 740 от кучига эга бўлиб, максимал тезликни соатига 356 км/соатга чиқа олади.

10-ўрин. «Bugatti Chiron Super Sport 300+» (3,9 миллион АҚШ доллар)

«Bugatti Chiron Super Sport 300+» соатига 490 км/соат тезликка эриша олади. Унинг 8,0 литрли тўрт турбо қувватли W16 двигатели 1577 от кучига эга. Ушбу моделнинг атиги 30 дона нусхаси мавжуд.