Дональд Трамп Шавкат Мирзиёевни G20 саммитига таклиф қилди
Фото: Президент матбуот хизмати
АҚШ Президенти Дональд Трамп Ўзбекистон Президенти Шавкат Мирзиёевни G20 саммитига таклиф қилди. Бу ҳақда Трамп бугун, 24 декабрь куни ўзининг «Truth Social» ижтимоий тармоғидаги саҳифасида ёзди.
АҚШ Президентининг қайд этишича, у бугун эрталаб Ўзбекистон Республикаси Президенти Шавкат Мирзиёев ҳамда Қозоғистон Республикаси Президенти Қасим-Жомарт Тоқаев телефон орқали мулоқот қилган.
«Биз давом этаётган можароларда тинчликка эришиш муҳимлиги, шунингдек мамлакатларимиз ўртасида савдо ва ҳамкорликни кенгайтириш масалаларини муҳокама қилдик. Ҳар иккала мамлакат билан муносабатларимиз аъло даражада», деб ёзган Трамп.
Шунингдек, у ҳар икки етакчига келаси йили Майами шаҳрида бўлиб ўтадиган G20 саммитида меҳмон сифатида иштирок этишлари учун таклифнома юборишини маълум қилган.
Эслатиб ўтамиз, аввалроқ Ўзбекистон Президенти Америка етакчиси билан телефон орқали суҳбатлашиб, уни ўзи учун қулай муддатда мамлакатимизга ташриф билан келишга таклиф этгани ҳақида хабар берилган эди.
Тавсия этамиз
Кўп ўқилганлар
- «E-ekspertiza» платформаси орқали электрон ҳужжатлар алмашинувини йўлга қўйиш тартиби тасдиқланди
- Нодавлат суд-эксперти сифатида фаолият юритиш янада соддалаштирилади
- «Истанбул Башакшеҳир» меҳмондан ғалаба билан қайтди
- Украинанинг уч вилоятида портлашлар қайд этилди. Қурбонлар бор
- Бу йил Ўзбекистон Пролигасида 14 та жамоа иштирок этади
- Январь ойида юз нафардан ортиқ америкалик ўқиш учун Ўзбекистонга келди
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг