Бухорода кредит учун гаровга қўйилган мулкларни сотган ва жамиятни қасддан банкротлик ҳолатига олиб келган МЧЖ раҳбарига нисбатан жиноят иши қўзғатилди
Бухорода кредит маблағининг гаров таъминоти сифатида қўйилган мулкларни сотиб юборган МЧЖ раҳбарига нисбатан жиноят иши қўзғатилди. Бу ҳақда Бош прокуратура ҳузуридаги Департамент хабар берди.
Хабарга кўра, Департаментнинг Бухоро шаҳар бўлими томонидан ўтказилган терговга қадар текширишда, “A.B.» МЧЖ раҳбари Р.Н. жамиятга банк муассасасидан кўп қаватли уй-жойларни қуриш учун ажратилган кредитнинг гаров таъминоти сифатида турган 6 та кўчмас мулкни бошқа фуқароларга жами 854,2 млн сўмга нақд пулга сотиб юбориб, ушбу пул маблағларини жамият ҳисоб рақамига кирим қилмасдан, жами 501 млн сўмлик қарздорлигини тўлашдан бўйин товлаб, жамиятни қасддан банкротлик ҳолатига олиб келганлиги оқибатида жамият ва давлат манфаатларига жуда кўп миқдорда зарар етказилганлиги аниқланган.
Мазкур ҳолат Жиноят кодексининг 181-1-моддаси (қасддан банкротликка олиб келиш) ва 233-моддаси (банд солинган мулкни қонунга хилоф равишда тасарруф этиш) билан жиноят иши қўзғатилиб, тергов ҳаракатлари ўтказилмоқда.
Тавсия этамиз
Кўп ўқилганлар
- Абдуқодир Ҳусанов яна бир бор «Реал Мадрид»га қарши ўйнайди
- Болалар саратонига қарши кураш: халқаро ҳамкорликдаги муҳим қадам
- Ўзбекистоннинг 7 та моддий ва номоддий маданий мерос объектлари AYSESKO рўйхатига киритилди
- Суперлиганинг 2026 йилги мавсуми бошланмоқда
- Ҳар бурчагида тарих яширинган шаҳар — Лондондан фоторепортаж
- Эркаклар аёлларга нисбатан кўпроқ калория истеъмол қилиши керакми?
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг