«Барселона»дан супер ремонтада
Кеча Испания Ла Лигасининг 2-тур ўйинлари давом эттирилди. Биринчи турда йирик ғалабага эришган амалдаги чемпион, Каталониянинг «Барселона» жамоаси тур доирасида Валенсия шаҳрида меҳмон бўлди. Жамоага ушбу баҳсда лига дебютанти «Леванте» жамоаси рақиблик қилди.
Таъкидлаш керакки, ўйин умуман кутилмаган сценарий асосида бошланди. Учрашувнинг 15-дақиқасида ҳисоб мезбонлар ҳужумчиси Иван Ромеро томонидан очилди. Таймга қўшиб берилган дақиқаларда эса Хосе Луис Моралес ҳисобни 2:0 кўринишига олиб келди.
Аммо чемпионлар иккинчи бўлимда «камбек» амалга ошира олдилар. 49-дақиқада Педри ҳисобни қисқартирган бўлса, орадан 3 дақиқа ўтиб, Ферран Торрес «Барселона»нинг иккинчи голини киритди.
Иккинчи бўлимга қўшиб берилган дақиқаларда эса «Леванте» ҳимоячиси Унаи Элгезабаль ўз дарвозасини ишғол этиб қўйди. Шу тариқа якуний ҳисоб 2:3 кўринишига келди.
Дастлабки 2 турда ғалаба қозонган «Барселона» учинчи турни ҳам меҳмонда ўтказади. Бу гал жамоа Мадрид шаҳрида «Райо Валекано» клуби билан куч синашади.
Тавсия этамиз
Кўп ўқилганлар
- Саудия Арабистонида «Ўзбекистон маданияти кунлари» давом этмоқда
- Тошкентда «Ўзбеккосмос» ва «NASA» агентликлари ҳамкорлигида «NASA Space Apps Challenge 2025» Ҳакатон тадбири ўтказилмоқда
- Супер ой: Бугун Ернинг табиий йўлдоши одатдагидан анча катта кўринмоқда
- Аҳоли ва қишлоқ хўжалигини рўйхатга олишга тайёргарлик кўриш ва уни ўтказиш тартиби белгиланди
- Марказий Осиё педагоглари Нукусда жам бўлди
- Самарқандда ЮНЕСКОнинг 43-сессиясига тайёргарлик авжида
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг