АҚШ ва Венесуэла махфий тарзда нефть музокаралари олиб бормоқда — BILD
АҚШ ва Венесуэла Қўшма Штатлардаги нефтни қайта ишлаш заводларига нефть етказиб бериш масаласи бўйича махфий музокаралар олиб бормоқда. Бу ҳақда Reuters агентлигига таяниб BILD нашри хабар берди.
Манбаларга кўра, музокаралар АҚШнинг Венесуэлага нисбатан жорий этилган санкциялари шароитида нефть таъминотини тиклаш имкониятларини муҳокама қилишга қаратилган. Бироқ, ҳозирча Оқ уй, Венесуэла ҳукумати ва давлатга қарашли ПДВСА нефть компанияси ушбу музокаралар бўйича расмий баёнот бермаган.
Шунингдек, АҚШнинг йирик нефть компаниялари раҳбарлари 8 январь куни Венесуэлага инвестиция киритиш масалаларини муҳокама қилиш учун Оқ уйга таклиф қилиниши мумкин.
Аввалроқ, АҚШ президенти Дональд Трамп Америка нефть компаниялари Венесуэлага қайтиб, мамлакатдаги зарур инфратузилмани тиклаши лозимлигини таъкидлаган эди. Билдирилишича, Венесуэладаги операциядан олдин ҳам кейин ҳам АҚШ нефть компаниялари билан эҳтимолий инвестициялар масаласи муҳокама қилинган.
Тавсия этамиз
Кўп ўқилганлар
- Инвесторлар учун энг жозибадор ҳудуд ёхуд инвeстиция оқимидаги кескин тафовутнинг сабаб ва оқибатлари
- Алишер Навоий – илм ва маъно эҳтиёжи манбаи
- Бедилни халққа танитган хаттот
- Ўзбекистонда инсон аъзоларини 3D биопринтерда чоп этиш имконияти яратилмоқда
- Ўзликни англаш сари муҳим қадам: «Миллий қадриятлар атласи» китоб-альбоми тақдимот қилинди (+видео)
- Миллий нақшларда ўзлигимиз намоён
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг