470 минг дона китоб таълим муассасаларига бепул тарқатилади
Фото: «Халқ сўзи»
Ўзбекистон ёшлар иттифоқи томонидан болалар ва ёшлар ўртасида китоб мутолааси ҳамда китобхонлик маданиятини ошириш, уларнинг интеллектуал салоҳияти, маънавий савиясини юксалтириш мақсадида “Ёшлар кутубхонаси” рукни остида 200 номдаги китоблар чоп этилиши режалаштирилган. Бунинг учун ташкилот томонидан 10 млрд. сўм маблағ ажратилди.
Янгидан нашр этилган жаҳон ва ўзбек адабиётининг дурдона асарлари 2019 йил давомида мамлакатимиздаги барча умумтаълим мактаби ва олий таълим муассасаларига бепул етказиб берилади.
— Ҳозирги кунда ташкилотимиз қошидаги “Ёшлар нашриёт уйи” томонидан 47 номдаги бадиий асарлар 10 минг нусхадан жами 470 минг дона китоб чоп этилди, — дейди Ўзбекистон ёшлар иттифоқи Марказий Кенгаши раиси ўринбосари Дилноза Каттаханова. — Улар янги йилда республикамиздаги 9 минг 636 та мактаб ва 85 та олий таълим муассасасига жўнатилади. Китобларни рус ва инглиз тилларида ҳам чоп эттириш ҳамда чекка-чекка қишлоқларга етказиб беришни мақсад қилганмиз.
Дилшод КАРИМОВ
Тавсия этамиз
Кўп ўқилганлар
- “Ўтган баҳсда концентрация бироз жойида эмас эди. Шу сабабли “жиннича” хатоларга йўл қўйдик” — Фабио Каннаваро
- АҚШ мудофаа харажатлари туфайли НАТО бўйича иттифоқчиларини ҳимоя қилишдан воз кечиши мумкин
- Бен Кингсли иштирок этган Ислом цивилизацияси маркази ҳақидаги фильм New York Festivals 2026 финалига йўл олди
- Шавкат Мирзиёев Саудия Арабистони Подшоҳлиги Валиаҳди Муҳаммад бин Салмон Ол Сауд билан телефон орқали мулоқот қилди
- Тошкентда қиличбозликнинг сабля йўналиши бўйича Жаҳон кубоги босқичи старт олди
- «Дронлар дуэли» ёхуд Украинадан Эронгача бўлган синов полигонларида шаклланган янги дунё тартиби
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг