Tibbiy majmua yangi binoda ish boshladi
Saminjon HUSANOV/“Xalq soʻzi”. Andijon tumanidagi “Qoʻnji” mahallasida tibbiy majmua foydalanishga topshirildi. Uning tarkibida oilaviy poliklinika, shifoxona va tez yordam shoxobchasi faoliyat yuritmoqda.
— Poliklinikamiz binosi 1965-yilda qurilgan edi, — deydi tuman tibbiyot birlashmasi rahbari Tohirjon Zokirov. — Endilikda tumanning Xakan qishlogʻi hududidagi 19 mahallada istiqomat qiluvchi 60 ming nafardan ziyod aholiga koʻrsatiladigan tibbiy xizmat sifati yanada ortadi. Turli xastaliklarni erta aniqlash, malakali tibbiy xizmat koʻrsatish, ayniqsa, tez yordam xizmatidan foydalanish barobarida katta qulaylik yaratildi.
5 mlrd. 450 million soʻmlik loyiha asosida barpo etilgan ushbu majmuada terapevt, xirurg, stomatolog, UZI va boshqa yoʻnalishlar boʻyicha 60 nafardan ortiq shifokor hamda oʻrta tibbiyot xodimlari faoliyati yoʻlga qoʻyilgan. Shuningdek, 30 nafar bemorning yotib davolanishi uchun zarur sharoitlar yaratildi.
Tavsiya etamiz
Ko‘p o‘qilganlar
- 21-oktyabr – Oʻzbek tili bayrami kuni
- Oʻz xalqini Siz kabi chin dildan sevadigan davlat rahbarini uchratmadim – “ACWA Power” kompaniyasi boshqaruvi raisi Muhammad Abunayyan
- Oʻzbekiston tasviriy sanʼat galereyasida Samarqand maktabining yangi nafasi
- Ish bilan bogʻliq baxtsiz hodisalar va kasbga oid kasalliklar haqidagi maʼlumotlarning yaxlit tizimi yoʻqligi koʻrsatib oʻtildi
- Lamin Yamal “Barselona”ni tark etishi mumkin
- Har bir hududda “Kasaba uyushmalari bogʻlari” tashkil etiladi
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring