Qoraqalpogʻistonda bojxonachilar qariyb 20 kg sintetik giyohvandlik moddasini fosh qildi
Foto: Bojxona qoʻmitasi
Qoraqalpogʻiston Respublikasi bojxona boshqarmasi “Dovut-ota” chegara bojxona postida ogʻirligi qariyb 20 kg boʻlgan sintetik giyohvandlik moddasini olib kirishga urinish fosh qilindi. Bu haqda Davlat bojxona qoʻmitasi axborot xizmati xabar berdi.
Qayd etilishicha, “Dovut-ota” chegara bojxona posti va boshqarmaning tezkor tuzilmalari Davlat xavfsizlik xizmati xodimlari bilan hamkorlikda Respublikaga kirib kelgan “Lada Largus” rusumli avtotransport vositasini belgilangan tartibda bojxona koʻrigidan oʻtkazgan.
Koʻrik davomida avtotransport yukxonasidagi 2 dona ovoz kuchaytirgich (kolonka) bojxona xodimlarining diqqatini tortgan. Ushbu kolonkalar xolislar ishtirokida ochib koʻrilganida, ularning ichida 36 dona polietilen oʻramlar mohirlik bilan yashirilganligi aniqlangan.
Oʻramlardagi oq rangli, oʻtkir hidli, kukunsimon moddalar esa Markaziy bojxona laboratoriyasining xulosasiga koʻra 18,97 kg ogʻirlikdagi “mefedron” sintetik giyohvandlik moddasi boʻlib chiqdi.
Hozirda holat yuzasidan bojxona organlari tomonidan jinoyat ishi qoʻzgʻatildi.
Tavsiya etamiz
Ko‘p o‘qilganlar
- 21-oktyabr – Oʻzbek tili bayrami kuni
- Oʻz xalqini Siz kabi chin dildan sevadigan davlat rahbarini uchratmadim – “ACWA Power” kompaniyasi boshqaruvi raisi Muhammad Abunayyan
- Oʻzbekiston tasviriy sanʼat galereyasida Samarqand maktabining yangi nafasi
- Ish bilan bogʻliq baxtsiz hodisalar va kasbga oid kasalliklar haqidagi maʼlumotlarning yaxlit tizimi yoʻqligi koʻrsatib oʻtildi
- Toshkentda diplomatik vakolatxonalar va xalqaro tashkilotlar oʻrtasida XІX xalqaro mini-futbol turniri tashkil etildi
- Har bir hududda “Kasaba uyushmalari bogʻlari” tashkil etiladi
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring