Illyustrativ foto

Kechki ovqatni qondagi shakar darajasini tartibga solishda hal qiluvchi rol oʻynashi mumkin. Bu ayniqsa, qandli diabet bilan ogʻrigan odamlar uchun muhimdir. Kataloniya universiteti tadqiqotchilari shunday xulosaga kelishdi.

Olimlar diabetga chalingan 50-75 yoshdagi 33 nafar ortiqcha vaznli erkak va ayolning maʼlumotlarini tahlil qilishdi. Barcha ishtirokchilar bir kun davomida nazorat ostida parhezga rioya qilishdi. Shundan soʻng ularning qondagi qand miqdori ertalab, kechki ovqatdan 10 soat oʻtgach oʻlchandi. Tajriba davomida ishtirokchilar uzluksiz glyukoza monitoringi asboblarini kiyib yurishgan.

Natijalar shuni koʻrsatdiki, kechki ovqat va uglevod miqdori qanchalik kech boʻlsa, ertalabki shakar darajasi shunchalik yuqori boʻlgan.

“Diabet bilan ogʻrigan odamlar uchun parhez tavsiyalari nafaqat uglevodlar miqdorini, balki ovqatlanish vaqtini va individual tana xususiyatlarini ham hisobga olishi kerak. Bu diabet rivojlanishining oldini olishga yordam beradi”, deydi tadqiqot muallifi Diana Diaz-Rizzolo.

Tadqiqotchilar, shuningdek, yangi texnologiyalar — glyukoza sensorlari, mobil ilovalar va sunʼiy intellekt algoritmlari — shaxsiylashtirilgan metabolik monitoring va parhez va terapiyani aniq sozlash uchun imkoniyatlarni ochib berishini taʼkidlamoqda.